Tuttu ciò ch'ùn hè necessariu di sapè
Fate puru u bellu in sucietà cù unepochi sapè indarni
In u 1923, Franck Hayes hè statu u primu cavalieru di corsa chì hà vintu una corsa mortu nant'à u so cavallu. (Avia avutu un infartu di u miocardu durante a corsa)
U big mac hà un valore nutritivu di 540 calurie, trà di elle 270 venenu da e lipide, 80 miligrammi di culesterollu, un grammu di sale è, cum'è in ogni pruduttu McDonald, u zuccheru (8 grammi).
A maiò parte di e vechje razze di ghjalline francese facenu ove cù a chjoppula bianca, ghjè u cruciamentu cù razze asiatiche chì hà datu ove di culore rosulu.
U pesciucane fullettu campa in l'acque di l'Atlanticu è à l'uveste di l'oceani Indianu è Pacificu, è pò misurà 3,85 metri di longu. Hà una doppia bocca.
In u 1832, fubbe inaugurata a prima linea di caminu di ferru francese pè i viaghjadori. Cullegava St Etienne à Andrezieux-Bouthéon in u dipartimentu di a Loire.
L'emmental (adupratu pè u più cum'è ingrediente di cucina), è u camembert sò i dui casgi i più cunsumati in Francia.
Ogni ghjornu nant'à internet, sò più di 2 miliardi d'adupradori è à l'ingrossu 5120 miliardi di Go di dati chì passanu pè i 193 milioni di nomi di duminiu arrigistrati (numeri di ghjennaghju 2011).
U falcu pelegrinu hè l'acellu u più rapidu di u mondu. E so ale longhe in punta li permettenu d'andà à 180km/h.
Pè impedì l'arrubbecci, l'ampolle elettriche di u metro di New-York s'avvitanu à l'arringuersciu.
I capirossi anu in media assai più capelli chè l'altri. (più o menu 200 000 contr'à 110 000 pè i capelli neri è 150 000 pè i capelli chjari).
Corsu
Francese