Tuttu ciò ch'ùn hè necessariu di sapè
Fate puru u bellu in sucietà cù unepochi sapè indarni
A parolla "Avion", ancu s'ella vene da a parolla latina avis (acellu), Clément Ader, (u creatore di a parolla) s'hè divertutu à falli currisponde l'acrunimu di "Appareil Volant Imitant l'Oiseau Naturel".
E donne Turche anu u dirittu di votu dapoi u 1934, sia 10 anni nanzu e Francese.
A più alta marca di una partita di ghjocu à pallò prufessiunale hè 149 à 0. Era durante u campiunatu di Madagascar, u 31 d'uttobre di u 2002 trà l'AS Adema è u SO di l'Emyrne. Hà vintu L'AS Adema.
Dapoi u 2006, a Nurvegia occupa a prima piazza di a classifica di i paesi secondu u so IDH (indice de développement humain).
Pè fà un viaghju abitatu nant'à Mars, in quant'à u carburante, solu qualchì decina di milligrammi d'antimateria basterebbe.
Sì omu ferra i cavalli, ghjè pè impedì ch'elli frustinu troppu e so unghjole. Cum'è pè l'omi cù e sole ortopediche, esistenu ferri ortopedichi, travagliati pè currege difetti d'appiombu ind'è u cavallu.
A marca di vitture FIAT significheghja "Fabbrica Italiana Automobili Torino" o in corsu "Fabrica taliana di vitture di Torinu".
Pè l'annu 1999, dece fine di u Mondu sfarente eranu previste.
Prima d'esse papa, Jean-Paul II era attore.
In u spaziu, l'astronauti ùn ponu pienghje perchè ùn ci hè gravità è e lacrime ùn ponu corre.
Corsu
Francese